Shirka Baarlamaanka Adduunka “𝐈𝐧𝐭𝐞𝐫-𝐩𝐚𝐫𝐥𝐚𝐢𝐦𝐞𝐧𝐭𝐚𝐫𝐲 𝐔𝐧𝐢𝐨𝐧” oo socday muddo shan maalmood ah kana furmay magaaladda Tashkent wadanka Uzbekistan, ayaa looga hadlay ajandayaal ay ka mid ahaayeen, wax ka beddelka xeerarka IPU, Tallaabada Baarlamaanka ee Horumarinta Bulshada iyo Caddaaladda iyo soojeedimo kale oo ay soo bandhigeen xubnaha ka qeyb galay shirka.
Sanatar Samsam Dahir Maxamuud oo ah xubin ka tirsan Baarlamaanka Adduunka oo kalmad ka jeedisay madasha Haweenka ee Baarlamaanka Adduunka ayaa si gaar ah ugu hadashay doorka ka qeyb galka siyaasadda ee Haweenka, iyadoo tilmaantay in ay muhiim tahay in xubnaha Baarlamaanka Haweenka IPU ay dadaalaan badan ku bixiyaan sidii wadama hoos u dhiga matalaadda Haweenka cadaadis loogu saari lahaa in gabdhaha kuraas gaar ah loo asteeyo, si ay ugu tartamaan doorashooyinka kala heerarka duwan ee dalalka Aduunka ka dhaca.
